श्रीनगर । पछिल्ला केही बर्ष यता खेलकुदमा फुटबल र देउडा मात्र आयोजना भएको समयमा ठुलो राषीको भलिबल कप आयोजना हुन लागेको छ । बिजय दशमीको अबसरमा सोरु गाउँपलिका वडा नम्बर ३ को भिइमा ५० हजार ५ रुपँैया राषीको भलिबल कप आयोजना हुन लागेको हो ।
वडामा रहेको इस्वरी देब युवा क्लबले बिजया दशमी तथा दिपावलीको पावन अबसरमा दोस्रो इस्वरीदेव अन्तर पालिका स्तरीय भलिबल कप आयोजना गर्न लागेको क्लबका अध्यक्ष गोर्ख राज कार्की जिकेले जानकारी दिनु भएको छ । उहाँका अनुसार गाउँ आसपासका क्षेत्रहरुमा फुटबल प्रतियोगिता मात्र भईरहेको समयमा भलिबल खेल संञ्चालन नहुँदा खेलाडीहरुको खेल क्षेत्रमा उत्साह समेत घट्न सक्ने भन्दै सोही राषीको भलिबल कप आयोजना गरेको बताउनु भएको छ ।
पछिल्ला समय हुम्ला लगायत मुगु गाउँहरुमा भलिबल खेलाडी मात्र नभई बलिबल ग्राउढड समेत लोप हुन लागेको समयमा क्लबले आयोजना गर्दा खेललाडी उत्साहित भएका छन । देशभर फुटबलको बर्चस्व बढ्न लागेको समयमा खेलाडी माथि यस्ता किसिमका आयोजना राख्दा खेलाडीमा खेल क्षेत्र माथि पालाएको निरास हट्ने देखिएको छ ।
असोज १९ गते देखी सुरु हुने प्रतियोगितमा प्रथम हुने खेलाडीलाई ट्रफी, मेडल, प्रमाण पत्र सहित ५० हजार ५ रुपैँया पुरस्कार राषी राखिएको छ । यस्तै दृतियका लागि ट्रफी, मेडल, प्रमाण पत्र सहित ३० हजार ५ नगद, तृतियाका लागि ट्रफी, मेडल, प्रमाण पत्र सहित १५ हजार ५ रुपैँया राषी राखिएको अध्यक्ष जिकेले बताउनु भएको छ । खेल वडाकै गुरु माबिमा संञ्चालन हुने आयोजकले जनाएको छ ।