ताँजाकोट गाउँपालिकाको कार्यालयमा आज राती करिब पौने २ बजेको समयमा आगलागि भएको छ । आगलागिको कारण भने अनुसन्धान भैरहेको प्रहरीले जनाएको छ । आगलागि हुँने वित्तिकै त्यहाँका स्थानीय र प्रहरी प्रशासनको सहयोगमा नियन्त्रणमा आएको स्थानीय व्यवसायी नरविर थापाले बताउनु भयो ।
उनका अनुसार आफ्नो घर नजिकै रहेको त्यहाँ गाउँपालिकाका केहि कर्मचारीहरु बस्ने भएकाले आगलागि हुँने वित्तीकै नजिकै रहेको प्रहरी चौकी र सबै स्थानीय नागरीकको सहयोगमा अहिले आग नियन्त्रणमा आएको तर निकै नै क्षेती भएको देखीएको बताउनु भयो ।
यता आगलागिको कारण भने केहि थाहा नभएको तर विद्युत सट भएरै आगलागि भएको हुनु पर्ने प्रारम्भीक अबस्था हेर्दा देखीएको तर आफ्नो घर निकैटाढा भएकाले आगो नियन्त्रणमा आई सकेपछि मात्र थाहा पाएको प्रशासन तथा जिन्सी शाँखा प्रमुख विस्नुलाल सार्कीले बताउनु भयो । उहाँका अनुसार अत्यावश्यक कागजात राखीएको जिन्सी शाँखा पुरै जलेको र त्यहाँ राखीका सबै श्रेस्ताहरु जलेर नष्ट भएको बताउनु भयो ।
उक्त प्रशासकिय भवन गतवर्ष मात्र उद्धघाटन गरीएको थियो त्यस भन्दा अघि गाउँपालिका अस्थायी टहरामा बस्दै आएको थियो । जिल्लाकै नमुना भवनको रुपमा रहेको उक्त भवनमा तल्लो तलामा जिन्सी शँखा लगायतका शाँखाहरु राखिएको थियो भो माथिल्लो तलामा अध्यक्ष, उपाध्यक्ष र पमुख प्रशासकिय अधिकृतको कार्यकक्ष राखिएका थिए ।
खासगरी जिन्सी शाँखामाराखीएका व्याट्री पट्कीदा धेरै क्षेती बनाएको देखीएको छ । आज राती पौने २ बजेको समयमा अचानक आगलागि भएपछि मात्र थाहा भएको नजिकमा रहेका स्थानीयको भनाई छ । तर आगलागि के कसरी र किन भयो भन्ने कुरा अनुसन्धान भैरहेको प्रहरीले जनाएको छ । गाउँपालिकामा जडान गरिको विद्युतको वाइरिङ् देखी विद्युतका बल्बहरु सबै जलेका छन् , लेखा शाँखा, न्यायिक समितिको सचिवालय र जिन्सी शाँखामा राखिएका अधिकांस श्रेस्ताहरु जलेर नष्ट भएको जिन्सीशाँखा प्रमुख सार्कीको भनाई छ । –––कालीबहादुर थापा