नेकपा क्रान्तिकारी माओवादीका उपाध्यक्ष सीपी गजुरेल पक्राउ


काठमाडौँ । मोहन वैद्य नेतृत्वको नेकपा क्रान्तिकारी माओवादीको मोर्चा देशभक्त तथा जनगणतान्त्रिक मोर्चा नेपालका अध्यक्ष सीपी गजुरेल पक्राउ परेका छन् उपाध्यक्ष गजुरेल सहितअन्य नेताहरु पक्राउ गरिएको प्रति सो पार्टीले विरोध गरेको छ ।

पार्टीका महासचिव मोहन वैद्य किरणले एक विज्ञप्ति जारी गर्दै भारतद्वारा लिम्पियाधुरा, कालापानी, लिपुलेक क्षेत्रलाई भारतमा गाभी तयार पारिएको नयाँ नक्सा लगायत राष्ट्रिय स्वाधीनताका विषयमा ज्ञापनपत्र दिन सिंहदरवारमा जाने क्रममा भाटभटेनी सुपरमार्केट क्षेत्रमा प्रहरीले हस्तक्षेप गरेको उल्लेख गरिएको छ ।

प्रहरी धरपकडका क्रममा देशभक्त तथा जनगणतान्त्रिक मोर्चा, नेपालका अध्यक्ष सीपी गजुरेल र महासचिव परि थापा पक्राउ परेको वैद्यको विज्ञप्तिमा उल्लेख छ । उनीहरु पार्टीको स्थायी समिति सदस्य समेत हुन् ।

यस्तै पार्टीका पोलिटब्यूरो सदस्यद्वय पवनमान श्रेष्ठ र सुरेश श्रेष्ठ, केन्द्रीय सदस्यहरु दीपक शाही, हरिकृष्ण गजुरेल, फुर्नाम्गेल मोक्तान, वसन्त बोगटीसहित खगेन्द्र छन्त्याल, पद्म भण्डारी, सुन्दर श्रेष्ठ, मीन प्रसाद गिरी, नरेन्द्र कार्की, अमित योञ्जनलगायत पार्टी तथा मोर्चाका १५ जना भन्दा बढी नेता तथा कार्यकर्तालाई महेन्द्र पुलिस क्लवमा हिरासतमा राखिएको विज्ञप्तिमा उल्लेख छ ।

लाठी चार्जका क्रममा पार्टीका पोलिटब्यूरो सदस्य दिनेश शर्मा तथा सुरेश श्रेष्ठ, केन्द्रीय सदस्य शारदा महत, महिला नेतृसुनीता बोगटी लगायत पार्टी र मोर्चाका दर्जन भन्दा बढी नेता तथा कार्यकर्ता घाइते भएको पनि वैद्यले जनाएका छन् ।

क्रान्तिकारी माओवादीले गिरफ्तार गरिएका नेता तथा कार्यकर्ताहरुको अविलम्ब रिहाइ र घाइते तुल्याइएका नेता तथा कार्यकर्ताहरुको उपचारका लागि सरकारसंग माग गरेको छ।

प्रकाशित मितिः     १३ पुष २०७६, आईतवार १९:५३  |

Leave a Reply

Your email address will not be published. Required fields are marked *